Oracle dagurinn 2015 – Simplify IT

  
GJ

Fimmtudaginn 19. nóvember 2015 munu Oracle og Miracle í sameiningu halda ráðstefnu á Hotel Natura um margt af því sem ber hæst á góma í upplýsingatækni um þessar mundir. Sérstök áhersla er lögð á einföldun í rekstri upplýsingakerfa enda ber ráðstefnan yfirskriftina Simplify IT. Sérfræðingar á vegum Oracle munu fjalla um skýið, geymslulausnir frá Oracle, Big Data og ýmislegt annað sem miðar að skilvirkari rekstri. Að auki verður tæpt á því markverðasta sem bar fyrir augu á Oracle Open World í San Francisco í síðasta…

Við erum flutt!

  
GJ

Miracle hefur flutt höfuðstöðvar sínar úr Síðumúlanum í Hús verslunarinnar í Kringlunni 7. Við erum í sjöunda himni yfir þessu enda á sjöundu hæð. Fljótlega munum við bjóða til innflutningshátíðar og skoðunarferðar um dýrðina.

Snjall fídus í Oracle

  
BS

Ég rakst á grein sem fjallar um mekanisma til að gera sjálfkrafa það sem maður hefur verið að rembast við handvirkt hingað til, að cache-a niðurstöður úr föllum þannig að aðeins þurfi að kalla á þær einu sinni fyrir sömu gildin. Virkar fyrir útgáfu 11.1 og upp úr og breytingar til batnaðar eru í 11.2. Kosturinn við útfærslu Oracle er að þetta er “cross session”, þ.e. ef kallað er á f(x) sem skilar n í session 1 þá þarf session 2 ekki að keyra f(x)…

Við leitum að forritara

  
GB

Okkur vantar forritara, hugbúnaðarsérfræðing eða hugbúnaðarverkfræðing til að vinna með okkur. Hafðu samband við okkur í síma 544-5900 eða í tölvupósti miracle@miracle.is ef þú hefur áhuga og ef þú heldur að einhver annar hafi áhuga geturðu deilt viðeigandi færslu á fésbók.

Samningur undirritaður við LSH

  
GJ

Í dag var undirritaður samningur milli Landspítala og Miracle um uppsetningu Miracle Stratos í tölvuumhverfi spítalans. Stratos veitir Landspítalanum nýja sýn á stöðu tölvukerfa spítalans. Tenging milli mismunandi þátta tölvukerfisins verður ljósari, yfirsýn eykst auk þess sem þjónustuframboð upplýsingatæknideildar verður skýrara. Þetta mun leiða til meira öryggis í rekstri til hagsbóta fyrir starfsfólk og sjúklinga spítalans. Gunnar Bjarnason, framkvæmdastjóri Miracle, sagði við undirritun samningsins að félagið hafi miklar væntingar til samstarfsins við Landspítala varðandi frekari þróun kerfisins enda tölvuumhverfi Landspítalans umfangsmikið og krefjandi.